我其實去過另外兩間婚紗鋪，有得比較之下，就會覺得 Mayona Wedding 嘅同事比較有親和力，佢哋俾我嘅感覺係特別細心，而且冇乜距離感，相處起上嚟會舒服啲。 揀衫嘅過程入面，我覺得Mayona Wedding好願意先聽新人講自己嘅諗法，會同我哋傾偈，了解我哋鍾意咩 style，例如係偏歐美、特別啲，或者有冇特定喜好，之後先按住呢啲方向去同我哋揀衫。試衫嘅時候，佢哋會一路觀察效果，再俾唔同意見，有時亦會主動拎啲款出嚟俾我哋試，成個過程都幾順暢。 講到款式，我覺得Mayona Wedding嘅選擇算係幾多，而且比較特別👍。同之前試過或者上網見過嘅款比起上嚟，Mayona Wedding 嘅婚紗比較少見，因為佢哋有自己嘅設計師，會有一啲原創設計，所以唔會話周圍都有。就算係較常見嘅cutting，佢哋喺設計細節上都會有啲變化，感覺唔會太公式化。 另外一樣我幾欣賞嘅，就係Mayona Wedding嘅媽媽衫。以前我睇過好多媽媽衫，都偏向比較保守同大路，但呢到嘅設計會多啲變化，唔只係為咗遮身形，而係真係著上身會好睇。設計偏閃、優雅又有氣質，我媽媽試完之後都好鍾意，覺得同出面一般嘅媽媽衫好唔同，呢一點對我哋嚟講都幾加分💕。

整體嚟講，我對 Mayona Wedding 嘅服務印象好好，特別係佢哋對長輩嘅照顧，真係令我好安心。我帶埋奶奶同媽媽一齊上去揀衫，本身都有少少擔心，怕長輩會唔自在，或者會唔知點揀，但實際上完全冇呢個問題。同事真係好有耐性，又好識同長輩傾偈，氣氛好輕鬆，完全冇壓迫感。揀衫嘅過程其實同我自己試衫差唔多，佢哋會先拎一兩件出嚟試，慢慢睇下媽媽同奶奶嘅反應，再傾多幾句，就大概知道佢哋鍾意咩 style。之後再根據身形同喜好，揀返適合嘅款俾佢哋試。同事都會揀返一啲可以突顯優點嘅設計俾長輩，著上身真係好好睇，唔會覺得好老氣。有一點我幾深刻嘅係，我媽媽本身一直都覺得自己只適合著 A-line，覺得 slim cut 一定唔啱自己，但同事建議佢不如試一試，結果試完之後先發現，原來媽媽著貼身嘅cutting都可以好好睇😚。

另外，Mayona Wedding都好細心咁去幫我哋諗整體嘅配搭，例如會提醒媽媽同奶奶唔好撞色，又會問清楚每件衫係邊個時段著、夠唔夠用，甚至會幫我哋諗埋大概嘅 rundown，等我哋心目中有個畫面，呢啲位真係好貼心❣️。我覺得佢哋可以喺宣傳方面做多啲，如果可以早啲認識佢哋，一開始就可能會直接揀佢哋。Mayona Wedding 對新人定長輩都照顧得好，過程舒服又放心🌟！

Mayona Wedding嘅同事態度都好友善，回覆亦都算快，有問題問佢哋都會耐心解答，仲會主動俾意見我🥳。佢哋一開始會先了解我哋鍾意嘅風格同款式， 而唔係一嚟就推介，呢一點我覺得幾重要。喺試衫過程入面，同事會建議我哋事前上網搵啲reference，俾啲自己鍾意嘅款式俾佢哋睇，然後再根據我哋嘅想法同身形，骨架去揀衫☺️。成個過程都冇 hard sell 嘅感覺，如果有啲衫我覺得麻麻地，或者唔太啱自己，都可以直接講，溝通上都好舒服。 款式方面我覺得都算多元化，我提出想試嘅類型，佢哋基本上都會攞出嚟俾我試。就算試完衫之後，我哋對某啲設計上有啲意見，想有少少改動，同事都好 welcome我哋俾嘅意見，會聽我哋嘅意見，再幫手跟進，溝通上都幾順暢。Mayona Wedding試身嘅空間我都幾滿意，佢哋有兩個比較高嘅試身台俾客人，位置都夠闊落，光線亦都唔錯。我都可以轉身睇下條裙或者同朋友一齊睇成件衫嘅效果，整體空間上都唔會覺得逼，感覺都幾舒服🥰。

到拎衫嗰陣，同事都交代得幾清楚，例如accessories會分開用唔同顏色嘅袋裝，頭紗、飾物擺喺邊到，都會逐樣講清楚，仲會俾一張 checklist 我哋自己對，真係幾實用🙌🏻。不過Mayona Wedding掛出嚟嘅衫比較密，所以我哋未必可以一次過睇曬所有款式。如果可以用 iPad 俾客人先睇曬所有款式，再揀想試嘅衫，可能會更加全面，亦唔會錯過一我哋可能會鍾意嘅設計。同埋如果Mayona Wedding可以再密啲更新social media，多啲 post 新款或者 signature 嘅款式，我哋會更清楚知道佢哋近期有啲咩選擇，亦都有機會吸引到更多客人🤪！